वजन कमी करण्यासाठी काय काय खावे?

Weight Loss Diet वजन घटवण्यासाठी नेमकं काय खावे, फळे की भाज्या?

वजन घटवण्यासाठी जर तुम्ही नियमित व्यायाम करत असाल तर आपल्या आहारामध्ये जास्त प्रमाणात भाज्यांचा समावेश करावा. यामुळे तुमच्या शरीरातील अतिरिक्त चरबी जलदगतीने कमी होण्यास मदत मिळेल.
 
धावपळीचे जीवन, ताणतणाव, आरोग्याकडे होणारे दुर्लक्ष यामुळे बहुतांश जण वजन वाढल्याच्या समस्येमुळे हैराण आहेत. वजन घटवण्यासाठी (Weight Loss) आरोग्य पौष्टिक आहाराचे सेवन करणं अतिशय आवश्यक आहे. फळे आणि भाज्यांचा आहार शरीरातील अतिरिक्त चरबी कमी करण्यासाठी पोषक मानला जातो. यासाठी लोक आपल्या आहारामध्ये जास्त प्रमाणात फळे आणि भाज्यांचा समावेश करतात.

पण यापैकी केवळ एकाची निवड करणं अतिशय कठीण आहे. फळ आणि भाज्यांमध्ये पोषण तत्त्व आणि कॅलरीचे प्रमाण समान असते. शिवाय फळ आणि भाज्यांचे सेवन करण्याचे फायदे वेगवेगळे आहेत. पण वजन घटवण्यासाठी नेमके काय खाणे योग्य ठरेल? फळ की भाज्या? काही जणांसमोर हा प्रश्न कायम असतो. जाणून घेऊया सविस्तर माहिती.

पीएलओएस मेडिसिन जर्नलमध्ये प्रकाशित करण्यात आलेल्या संशोधनानुसार, पोटावरील अतिरिक्त चरबी कमी करण्यासाठी फळभाज्या, ब्रोकली, कोबी यासारख्या स्टार्च नसलेल्या भाज्यांचे सेवन करणं फायदेशीर ठरेल. पण बेरीज्, सफरचंद आणि पेर यासारखे फळे देखील आरोग्यासाठी लाभदायक आहेत. दरम्यान वजन घटवण्यासाठी फळांचे सेवन करणे सर्वात जास्त फायदेशीर ठरते, असे म्हणतात.

​वजन घटवण्यासाठी स्मूदी
स्मूदीच्या सेवनामुळे वजन घटण्यासाठी खूप मदत मिळते, अशीही माहिती रीसर्चद्वारे समोर आली आहे. स्मूदीमध्ये कित्येक प्रकारच्या फळांचा तसंच अधिक प्रमाणात फायबरचा समावेश असतो. याव्यतिरिक्त नियमित सफरचंद आणि पेर (Pear) खाल्ल्यास एक किलोहून अधिक प्रमाणात वजन घटते. जर तुम्हाला भाज्या खाणे अधिक पसंत असल्यास तर वजन घटवण्यासाठी आपल्या आहारामध्ये कोबी आणि पालकचा समावेश करावा.

​फळे Vs भाज्या
-vs-

वजन घटवण्यासाठी भाज्यांच्या तुलनेत फळे सर्वाधिक फायदेशीर असल्याचे या अभ्यासामध्ये स्पष्ट दिसत आहे. फळे सहजरित्या पचतात आणि कोणत्याही वेळेत डाएटमध्ये फळांचा समावेश करणंही सोयीचे आहे. फळांमध्ये अधिक प्रमाणात अँटी ऑक्सिडेंटचा समावेश असतो. फळे खाल्ल्याने भूक कमी लागते आणि दिवसभर अन्य कोणतेही पदार्थ खाण्याची इच्छा होत नाही.

​तुम्ही काय खाल्ले पाहिजे?
युनिव्हर्सिटी कॉलेज ऑफ लंडनने दिलेल्या माहितीनुसार, डबाबंद खाद्यपदार्थांचे सेवन केल्याने गंभीर स्वरुपातील आजारांची लागण होऊ शकते. आरोग्याशी संबंधित समस्यांपासून स्वतःचा बचाव करण्यासाठी भाज्या खाणे अधिक फायदेशीर आहे, अशी माहिती या अभ्यासाद्वारे सांगण्यात आली आहे. पण याचा अर्थ असा नाही की फळे आरोग्यासाठी हानिकारक असतात.

​तज्ज्ञांचा सल्ला घेणे महत्त्वाचे
जर तुम्ही वजन कमी करण्यासाठी प्रयत्न करत आहात, तर सर्व प्रथम आहारतज्ज्ञांचा सल्ला घ्यावा. कारण प्रत्येकाची शरीररचना आणि आरोग्याच्या समस्या वेगवेगळ्या असतात. या पार्श्वभूमीवर इतर कोणाचेही डाएट प्लान तुम्हाला योग्य ठरतीलच, असे नाही. ऑनलाइन माहिती किंवा एखाद्या सेलिब्रिटीचे डाएट प्लान फॉलो केल्यास आरोग्याच्या समस्या उद्भवण्याची भीती असते. शरीराचे नुकसान टाळण्यासाठी आपल्या आहारामध्ये कोणत्या पदार्थांचा समावेश करावा तसंच करू नये, याबाबत आहारतज्ज्ञांकडून योग्य ते मार्गदर्शन घ्यावे.
​व्यायाम
वजन घटवण्यासाठी आहारासोबत व्यायाम करणेही तितकेच आवश्यक आहे. कारण शरीर सक्रिय असेल तर शरीरामध्ये अतिरिक्त चरबी जमा होऊन राहणार नाही. खाल्लेल्या अन्नपदार्थांचे पचन सहजरित्या होण्यास मदत मिळेल. ज्यामुळे विषारी पदार्थ सहजरित्या शरीराबाहेर फेकले जातील आणि वजन नियंत्रणात राहण्यास मदत मिळेल.